Milliarder Donald Tramp Respublikachilar partiyasining uch shtatdagi dastlabki saylovlarida g‘olib chiqdi va to‘rtinchisida muvaffaqiyat qozonishga yaqin turibdi. Demokratik partiya praymerizida Hillari Klinton ham shunday natijaga erishdi, deya xabar beradi “RBK”.
Trampning Illinoys, Shimoliy Karolina va Floridada qo‘li baland keldi: bu shtatlarning har birida u ovozlarning 40 foizdan ziyodini qo‘lga kiritdi. Missurida ovozlarning 32 foizi hisoblab chiqilgan bo‘lib, milliarder Texas shtatidan senator Ted Kruzni biroz ortda qoldirmoqda. Tramp faqat Ogayo shtatida mag‘lubiyatga duch keldi, bu yerda mahalliy gubernator Jon Keysik g‘alaba qozondi.
Milliarder eng ishonarli g‘alabaga Floridada erishdi, bu yerda u mazkur shtatdan senator Marko Rubiodan 18 foizga o‘zib ketdi.
Hillari Klinton Florida, Shimoliy Karolina va Ogayodagi praymerizlarni yutdi. U Illinoysda ham asosiy raqibi Berni Sandersdan o‘zib ketdi, biroq Missurida undan ortda qolmoqda.
Izoh (0)