Sayyoradagi eng keksa erkak deya xolokostni boshidan kechirgan 112 yoshli isroillik Israel Krishtal tan olindi, deya xabar bermoqda “RBK”. Bu haqdagi ma’lumot Ginnesning Rekordlar kitobi rasmiy saytiga joylandi.
“Uzoq umr ko‘rish sirini bilmayman. Barchasi oldindan belgilab qo‘yiladi deb ishonaman. Men o‘zimdan ko‘ra aqlliroq, kuchliroq va chiroyliroq bo‘lgan odamlarni ko‘rganman, ammo ular o‘lib ketdi”, — dedi Krishtal Guinness World Records rahbaridan rekord haqidagi guvohnomani olayotib.
2016-yil 12-mart holatiga ko‘ra, Krishtalning yoshi 112 yil-u 179 kunni tashkil etmoqda.
Krishtal 1903-yil 15-sentabrda Polshada tug‘ilgan. U ikkita jahon urushini boshidan kechirdi va Osvensim konslagerida omon qoldi. Ozod etilgan vaqtda Krishtal 37 kg tosh bosgan. Ayni paytda u Isroilning Xayfa shahrida o‘z oilasi bilan yashamoqda.
Eng keksa erkak nomi Krishtalga yaponiyalik Yasutaro Koidedan o‘tdi, u 2016-yil yanvarida 112 yoshida vafot etgan edi.
Izoh (0)