Xorvatiyada banklardan birining mijozlari nogironlar aravachasidagi jinoyatchiga uning bankka hujumi chog‘ida yordam berdi, biroq ular uning o‘g‘ri ekanligidan bexabar bo‘lgan, deb yozadi “TASS”.
Talonchi bankka nogironlar aravachasida keldi va kassirga yaqinlashib, bomba bilan tahdid qilgan holda unga pul berishni buyurdi. 50 mingga yaqin Xorvatiya kunasi (taxminan 6,7 ming yevro)ni qo‘lga kiritgach, bosqinchi ko‘chaga qarab yo‘naldi, ammo baland ostonadan o‘tib keta olmadi. Ichkarida bo‘lgan mijozlar nogironning binodan chiqib ketishiga yordam berib yubordi. Shundan so‘ng o‘g‘ri taksi to‘xtatdi va yana odamlar ko‘magi bilan unga o‘tirdi. O‘tkinchilar uning nogironlar aravachasini ham mashina yukxonasiga ortib berdi. Manzilga kelib tushgach esa, taksi haydovchisi unga aravachaga o‘tirishga yordam berdi.
Jinoyat joyiga yetib kelgan politsiya taksi harakatini GPS orqali kuzatib, o‘g‘rini qo‘lga tushirdi. Politsiyachilarning fuqarolar nima sababdan jinoyatchiga yordam bergani haqidagi savolga guvohlarning barchasi u nogiron bo‘lgani uchun shunday yo‘l tutishganini aytishdi.
Izoh (0)