NATO Kengashi AQSh prezidenti Barak Obamaning NATOning Yevropadagi Birlashgan kuchlari qo‘mondonligi rahbari lavozimiga general Kyortis Skaparrotti tayinlash haqidagi qarorini ma’qulladi, deya xabar bermoqda “RBK”. U, an’anaga ko‘ra, AQSh qurolli kuchlarining Yevropadagi qo‘mondonligini ham boshqaradi.
Skaparrotti ushbu lavozimda Filip Bridlav o‘rnini egallaydi. Tantanali marosim shu yilning bahorida Belgiyaning qo‘mondonlik bosh qarorgohi joylashgan Mons shahrida bo‘lib o‘tishi kutilmoqda.
Skaparrotti bungacha Amerikaning Koreyadagi kuchlari qo‘mondoni bo‘lib kelgan. Undan avval Ruanda, Bosniya va Gersegovinadagi tinchlikparvar operatsiyalarda ishtirok etgan. U bir necha yil Afg‘onistonda, Amerika harbiy guruhi qo‘mondonligi tarkibida ishlagan.
Izoh (0)