“Mustaqil Davlatlar Hamdo‘stligiga a’zo mamlakatlarning tashqi chegaralarida chegara xavfsizligiga tahdidlarga tezkorlik bilan javob ko‘rsatish uchun chegara muassasalari mutaxassislaridan iborat qo‘shma guruhlarni shakllantirish va ulardan foydalanish tartibi haqidagi bitimni ratifikatsiya qilish to‘g‘risida”gi federal qonun loyihasi Rossiya prezidenti Vladimir Putinga ratifikatsiya uchun taqdim etildi, deb yozadi “TASS”. Hukumat saytida e’lon qilingan hujjat Rossiya Tashqi ishlar vazirligi va Federal xavfsizlik xizmati tomonidan kiritilgan.
“Bitimga muvofiq, MDH mamlakatlarining tashqi chegaralarida chegara xavfsizligini ta’minlash bo‘yicha chegara muassasalari mutaxassislaridan iborat qo‘shma guruhlar faoliyatini shakllantirish, ulardan foydalanish va ularni tugatish tartibi o‘rnatiladi”, — deyiladi hujjatda.
MDH chegaralarida xavfsizlikni ta’minlash bo‘yicha bitim 2014-yil 10-oktabrda Minskda imzolangan edi. U Rossiya qonunchiligida ko‘zda tutilgan qoidalardan farqli qoidalarni o‘z ichiga olgani tufayli Rossiya prezidenti tomonidan ratifikatsiya qilinishi kerak.
Izoh (0)