Moody’s Rossiyada milliy reytinglarni qaytarib olishga qaror qildi

Moody’s xalqaro reyting agentligi Rossiyada milliy shkala bo‘yicha berilgan reytinglarini bekor qilish va Rossiyadagi sho‘basi — “Mudis Interfaks”ni yopishga qaror qildi, deb yozadi “RBK”.

Moody’s xabarida aytilishicha, ushbu qaror Rossiyada milliy shkala bo‘yicha reytinglar berish jarayoniga ta’sir qiladigan qonunchilik bilan bog‘liq o‘zgarishlar va boshqa potensial cheklovlar tufayli qabul qilingan.

“Bu xususan, Rossiya xalqaro tadqiqotlar assotsiatsiyasining Moody’s global manbalaridan foydalanish imkoniyatini cheklaydigan, tashkiliy va operatsion mustaqillikka nisbatan talablardir”, — deyiladi xalqaro agentlik relizida.

2017-yilda kuchga kiradigan qonunga ko‘ra, xorijiy reyting agentliklari Rossiyada filiallari orqali ishlab, xalqaro reytinglarni taqdim etishi yoki Rossiyada sho‘ba korxonasini ochib, Rossiya qonunchiligining yangi talablariga rioya qilgan holda, milliy shkala bo‘yicha reytinglar berishi mumkin.