Rublning o‘sishi tezlashdi, yevro 28-dekabrdan buyon birinchi marta 78 rubldan arzonlashdi, shu tariqa, u jahon bozorida neft narxining o‘sishiga reaksiya ko‘rsatdi, deb yozadi “Interfaks”.
Moskva vaqti bilan 9-mart 18:01 (Toshkent vaqti bilan 20:01)da yevro 77,84 rublgacha pasaydi, bu avvalgi yopilish vaqtidagi ko‘rsatkichdan 0,9 rublga kamroqdir. Shu bilan birga, dollar 71,01 rublgacha tushdi, bu avvalgi yopilish chog‘idagidan 46 tiyinga kamroq demakdir.
Rubl o‘sishiga neft narxi balandlashuvi ta’sir qilmoqda. Brent va WTI etalon markalaridagi neft savdolar chog‘ida 1,7 foizga qimmatlashib, barreliga tegishli ravishda 40 dollar va 37 dollardan sotilmoqda.
Izoh (0)