KXDR va Koreya Respublikasi chegarasida Janubiy Koreya qurolli kuchlari ofitserining jasadi topildi, deya xabar bermoqda “TASS” Yonhap agentligiga tayanib.
“O‘q tegishi natijasida yaralangan jasad chegara yaqinida, aholi punktlaridan olisda harbiy transport vositasining haydovchi o‘rindig‘ida topildi”, — deya ma’lum qildi armiyadagi manbasi agentlikka. Uning so‘zlariga ko‘ra, marhum 37 yoshda bo‘lgan.
Murda yonida to‘pponcha bo‘lgan, o‘z joniga qasd qilganlik holatini tasdiqlovchi, o‘lim oldidan yozilgan hech qanday maktub topilmadi. Manba so‘zlariga ko‘ra, o‘limidan avval ofitser chegara hududini qo‘riqlab, topshiriqni bajargan. Hodisa bilan bog‘liq vaziyat va uning sabablari aniqlanmoqda.
Izoh (0)