Checheniston rahbari Ramzan Qodirov Rossiyaning “NTV” kanali “Markaziy televideniye” (“Sentralnoye televideniye”) dasturiga bergan intervyusida mamlakat rahbariyati uning o‘rniga boshqa kishini topishi zarurligini ma’lum qilgan. Bu haqda TJournal xabar bermoqda.
“Ishlar bo‘lyapti, shu kungacha buning uddasidan chiqib kelgandim. Nomimni xalqimga qarshi qo‘ymasliklari uchun rahbariyat boshqa kishini topishi kerak, deb o‘ylayman. Mening vaqtim o‘tdi. Jamoamda o‘rnimni egallashi mumkin bo‘lgan yaxshi mutaxassislar juda ko‘p”, — deya ta’kidlagan Qodirov.
Eslatib o‘tamiz, oldinroq Rossiya prezidenti matbuot kotibi Dmitriy Peskov Ramzan Qodirovning kelgusi taqdiri haqidagi qaror vakolati tugaganidan so‘ng qabul qilinishini bildirgandi. Qodirovning Checheniston rahbari sifatidagi vakolat muddati 2016-yilning 5-aprel kuni nihoyasiga yetadi.
Izoh (0)