Чеченистон раҳбари Рамзан Қодиров Россиянинг «НТВ» канали «Марказий телевидение» («Центральное телевидение») дастурига берган интервьюсида мамлакат раҳбарияти унинг ўрнига бошқа кишини топиши зарурлигини маълум қилган. Бу ҳақда TJournal хабар бермоқда.
«Ишлар бўляпти, шу кунгача бунинг уддасидан чиқиб келгандим. Номимни халқимга қарши қўймасликлари учун раҳбарият бошқа кишини топиши керак, деб ўйлайман. Менинг вақтим ўтди. Жамоамда ўрнимни эгаллаши мумкин бўлган яхши мутахассислар жуда кўп», — дея таъкидлаган Қодиров.
Эслатиб ўтамиз, олдинроқ Россия президенти матбуот котиби Дмитрий Песков Рамзан Қодировнинг келгуси тақдири ҳақидаги қарор ваколати тугаганидан сўнг қабул қилинишини билдирганди. Қодировнинг Чеченистон раҳбари сифатидаги ваколат муддати 2016 йилнинг 5 апрель куни ниҳоясига етади.
Изоҳ (0)