Eron yadro dasturi bo‘yicha “oltilik” bilan kelishuv doirasida o‘z zimmasiga olgan majburiyatlarni bajarmoqda. Bu haqda MAGATE ma’ruzasida ma’lum qilingan, deya xabar beradi “Interfaks”.
Tashkilotning bildirishicha, mamlakatda uran 3,67 foizdan ziyod boyitilmagan, uning zaxiralari “oltilik” bilan kelishilgan hajmdan oshmagan. Sentrifugalar miqdori bo‘yicha ham kamchiliklar aniqlanmagan. Arakdagi yadro obyektida qurilish olib borilayotgani alomatlari sezilmagan.
Ma’ruzada MAGATE inspektorlari Eronda tekshiruvlarni dastlabki ogohlantirishlarsiz o‘tkazish imkonini beruvchi yangi qoidalar asosida harakat qilgani ta’kidlangan. Bu xalqaro tashkilotning 2016-yil 16-yanvarda “oltilik” va Tehron o‘rtasida Eron yadro dasturi bo‘yicha kelishuv kuchga kirganidan beri e’lon qilgan birinchi ma’ruzasi hisoblanadi.
Izoh (0)