Argentinaning yirik kreditorlari rasmiylar bilan mamlakatning 5 milliard dollar qarzi to‘lovi yuzasidan muzokaralar doirasida kelishuvga erishdi. Bu haqda “Gazeta.ru” xabar bermoqda.
“Argentina bilan iqtisodiy sharoitlar bo‘yicha kelishuvga erishdik. Ushbu kelishuvning mohiyati mijozlarimizga 5 milliard dollar to‘lab berilishidan iborat. Shunday bo‘lsa-da, muzokaralarimizning ayrim qismlari hali oxiriga yetgani yo‘q. Yana biroz muddat bo‘lsa, bitimni to‘liq yakunlaymiz”, — deya ta’kidlagan Elliott Management va Aurelio Capital Management fondlari advokati Mettyu Makgill.
Eslatib o‘tamiz, oldinroq Argentina hukumati restrukturizatsiyadan bosh tortgan kreditorlardan bir guruhi bilan 250 million dollar va 185 million yevro (200 million dollar) qarzini uzish bo‘yicha kelishuvga erishgani haqida xabar berilgandi.
Izoh (0)