Indoneziyaning Sumatra orolida elektr stansiyasi qurilishi chog‘ida portlash yuz berdi, natijada yetti ishchi halok bo‘ldi, yana olti nafari jarohatlandi. Bu haqda tabiiy ofatlar oqibatlarini bartaraf etish bo‘yicha mahalliy boshqarma vakiliga tayanib, “RIA Novosti” xabar bermoqda.
“Sinxua” agentligi ma’lumotlariga ko‘ra, portlash 23-fevral, seshanba kuni Shimoliy Sumatra provinsiyasida joylashgan Karo tumanidagi tunnelda sodir bo‘lgan.
“Tunnelda ishlar olib borilayotgan vaqtda kutilmaganda generator portlab ketdi”, — dedi boshqarma vakili. Uning qo‘shimcha qilishicha, jabrlanganlarning barchasi evakuatsiya qilingan va yaqin atrofdagi kasalxonalarga yetkazilgan.
Izoh (0)