Аргентинанинг йирик кредиторлари расмийлар билан мамлакатнинг 5 миллиард доллар қарзи тўлови юзасидан музокаралар доирасида келишувга эришди. Бу ҳақда «Газета.ru» хабар бермоқда.
«Аргентина билан иқтисодий шароитлар бўйича келишувга эришдик. Ушбу келишувнинг моҳияти мижозларимизга 5 миллиард доллар тўлаб берилишидан иборат. Шундай бўлса-да, музокараларимизнинг айрим қисмлари ҳали охирига етгани йўқ. Яна бироз муддат бўлса, битимни тўлиқ якунлаймиз», — дея таъкидлаган Elliott Management ва Aurelio Capital Management фондлари адвокати Мэттью Макгилл.
Эслатиб ўтамиз, олдинроқ Аргентина ҳукумати реструктуризациядан бош тортган кредиторлардан бир гуруҳи билан 250 миллион доллар ва 185 миллион евро (200 миллион доллар) қарзини узиш бўйича келишувга эришгани ҳақида хабар берилганди.
Изоҳ (0)