Rossiyaning Kirov shahrida evakuatorda olib ketilayotgan Lada Kalina yo‘l chetida to‘xtab turgan Jaguar’ning ustiga quladi, deya xabar bermoqda “Gazeta.ru”.
Hodisa 10-fevral, chorshanba kuni shahar chorrahalaridan birida sodir bo‘ldi. Dastlabki ma’lumotlarga ko‘ra, Jaguar yo‘l chetiga qo‘yib ketilgan bo‘lgan, evakuator esa uning yonidan o‘tib ketayotgan bo‘lgan. O‘sha payt Lada Kalina to‘satdan evakuator maydonchasidan surilib chiqqan va yo‘lga yonbosh qismi bilan tushgan, xorijiy markadagi elita avtomobiliga ham tegib ketgan.
Avariya maxsus texnika haydovchisi evakuatsiya qilinayotgan mashinani tashishdan oldin yaxshi mahkamlamagani tufayli yuz bergan bo‘lishi mumkin.
YTHda hech kimga zarar yetmadi. Politsiya hodisa sodir bo‘lgan vaziyatni aniqlashtirmoqda.
Izoh (0)