Erdo‘g‘on AQShni suriyalik kurdlarni qo‘llab-quvvatlagani uchun tanqid qildi

Turkiya prezidenti Rajab Toyyib Erdo‘g‘on 10-fevral, chorshanba kuni Vashington Suriyaning asosiy kurd tashkilotlarini terrorchilik tashkilotlari deb tan olishdan bosh tortayotgani tufayli, mintaqa “qonga botgani” uchun AQShni aybladi, deb yozadi “Vedomosti”.

“Siz bizni na ‘Kurdiston ishchilar partiyasi’ni, na ‘Demokratik ittifoq’ni, na ‘O‘z-o‘zini mudofaa qilish xalq otryadlari’ni tan olishga majbur qila olasiz. Biz bu tashkilotlarni IShIdni bilganimiz kabi yaxshi bilamiz. Siz ularni hech qachon terrorchilik tashkilotlari deb tan olmaganingiz uchun, mintaqa qon dengiziga aylandi”, — dedi Turkiya yetakchisi.

“Siz biz tomondami yoki terrorchilar tomonidami? Bu qanday sherikchilik bo‘ldi? Ular bizga to‘g‘ridan-to‘g‘ri hech narsa demaydi, ammo orqadan turib qandaydir faktlarni rad etmoqchi bo‘ladi”, — deya g‘azablandi Erdo‘g‘on.