Marokash xavfsizlik xizmatlari 10-fevral, chorshanba kuni terrorchilik guruhining kichik bo‘limining to‘rt nafar a’zosini qo‘lga oldi. Ular mamlakat hududida teraktlar sodir etishni rejalashtirgan. Bu haqda Marokash IIVga tayanib, “TASS” xabar bermoqda.
Ularni qo‘lga olish operatsiyasi Sud tekshiruvlari markaziy byurosi tomonidan amalga oshirildi. Ushbu organ 2015-yilning mart oyida turli jinoyat turlari va terrorchilik tahdidiga qarshi kurashish uchun tuzilgan.
Vazirlik xabarida aytilishicha, hibsga olinganlar Meknes, Tetuan, Martil va Akuray shaharlarida yashovchi fuqarolardir. Ular IShID safida Suriya va Iroqdagi janglarda harbiy mahoratini oshirgan safdoshlarining tajribasi asosida Marokashda bir qator teraktlarni amalga oshirishni mo‘ljallagan.
Izoh (0)