Misrda halokatga uchragan A321 samolyoti yo‘lovchilari teraktdan 500 million dollarga sug‘urtalangan bo‘lgan. Bu haqda qurbonlarning yaqinlari vakili Igor Trunov ma’lum qildi, deya xabar beradi “Gazeta.ru”.
“Biz sug‘urta shartnomasini oldik. Unda terakt ham sug‘urta hodisasi sifatida qayd etilgan. Sug‘urtaning umumiy summasi 500 million dollar, har bir oilaga taxminan 2 million dollardan to‘g‘ri keladi”, — deya ta’kidlagan Trunov.
Advokat “Ingosstrax” sug‘urta kompaniyasi xarajatlarni kamaytirishga harakat qilayotganligini bildirgan. “Ular kelishuvga erishishni taklif etmoqda, ma’naviy zarar uchun 600 ming rubl to‘lab, barcha da’volarni yopishga harakat qilmoqda”, — deya ma’lum qilgan Trunov.
Izoh (0)