“Qozog‘iston go‘zali — 2015” tanlovi g‘olibi 17 yoshli Aliya Mergembayeva o‘z sovrin jamg‘armasidan bir million tengeni xayriya uchun sarflash haqida qaror qabul qildi. Bu haqda, “Novosti-Kazaxstan” xabariga ko‘ra, tanlov tashkilotchilari ma’lum qilgan.
“Qozog‘iston go‘zali — 2015” tanlovidagi g‘alabadan so‘ng, Mangistau turizm kollejining 3-kurs talabasi hisoblangan aktaulik Aliya Mergembayeva 5 million tenge miqdorida pul mukofoti sohibiga aylandi.
“Onasi bilan maslahatlashgan qiz, bir million tengeni Aktau, Ostona va Olmaotadagi uchta mehribonlik uyiga yo‘naltirish va ularning har birida “foydali soat” o‘tkazishga qaror qildi”, — deyiladi xabarda.
Xabar berishlaricha, Mergembayevlar oilasida besh nafar farzand bo‘lib, Aliyaning bir akasi, ikki ukasi va bir singlisi bor. Aliyaning onasi — Jonsuluv Bekbo‘sinova texnik-laborant sifatida faoliyat olib boradi.
“Aliya — mening haqiqiy yordamchim. Yo‘qligimda, uy ishlarida meni to‘la o‘rnimni bosadi, bolalarga qaraydi, nonushtani ham, tushlikni ham, kechki ovqatni ham tayyorlaydi, o‘qishi ham joyida — faqat to‘rt va besh bahoga o‘qiydi. Ko‘p yillardan beri voleybol o‘ynaydi. Albatta, biz g‘alabani kutmagandik, butun oilamiz bilan bundan quvondik. U xalqaro maydonda Qozog‘iston sharafini himoya qilganida ham uni qo‘llab-quvvatlab turamiz”, — dedi Jonsuluv Bekbo‘sinova.
Izoh (0)