Shimoliy Koreya yetakchisi Kim Chen Inning ammasi Kim Gyon Xi o‘zi egallab turgan davlat va partiya lavozimlarining ko‘pchiligini tark etdi, deya xabar bermoqda “Interfaks” “Ryonxap” agentligiga tayanib.
Janubiy Koreya birlashuv vazirligi ma’lumotlariga ko‘ra, uning ism-sharifi na hukumat a’zolari, na Koreya Mehnat partiyasi Markaziy qo‘mitasi (KMP MQ) kotibiyati va na KMP MQ siyosiy byurosi a’zolari ro‘yxatida bor.
69 yoshli Kim Gyon Xi Shimoliy Koreya davlati asoschisi Kim Ir Senning qizi, marhum yetakchi Kim Chen Irning singlisi va 2013-yilda davlatga xiyonat, korrupsiya va axloqiy buzilishda ayblanib, Kim Chen In buyrug‘i bilan qatl etilgan Chan Son Txekning bevasidir. Chan Son Txek mamlakat Davlat Mudofaa qo‘mitasi raisi o‘rinbosari lavozimida ishlagan.
Kim Gyon Xi eri Chan Son Txek qatl etilganidan so‘ng jiyanini tanqid qilib chiqqan. Uning taqdiri 2013-yil sentabridan buyon noma’lum — o‘sha vaqtdan beri u omma oldida ko‘rinish bermadi.
Izoh (0)