Isroil va Turkiya 2010-yilda isroillik harbiylar va G‘azo sektori qamalini buzmoqchi bo‘lgan aktivistlar o‘rtasidagi nizodan so‘ng uzib qo‘yilgan diplomatik aloqalarni qayta tiklash haqida dastlabki kelishuvga erishdi, deya xabar bermoqda Meduza. O‘shanda Isroil maxsus topshiriqli bo‘linmalari Turkiyaning “Mavi Marmara” kemasini qo‘lga tushirgan, operatsiya chog‘ida to‘qqiz kishi halok bo‘lgan edi.
Turkiya bilan kelishuv shartlari bo‘yicha Isroil “Mavi Marmara”da halok bo‘lganlarning oilalariga ko‘maklashish jamg‘armasini tuzishga tayyor. Tasdiqlanmagan ma’lumotlarga ko‘ra, bunda gap 20 million dollarlik tovon puli haqida bormoqda.
Turkiya, o‘z navbatida, operatsiyada qatnashgan isroillik harbiylarni jinoiy ta’qib qilishdan voz kechadi va Falastinning HAMAS harakati yetakchilaridan biri Saloh al-Aruriyning o‘z hududiga kirishini taqiqlab qo‘yadi.
Diplomatik munosabatlarni tiklash bilan birga, Isroil va Turkiya gaz quvuri qurish haqida muzokaralarni boshlaydi.
Izoh (0)