AQSh mudofaa vaziri Eshton Karter Hillari Klinton davlat kotibi bo‘lib turgan vaqtidagi kabi shaxsiy elektron pochtasidan xizmat maqsadlarida foydalangan. Bu haqda The New York Times ma’lum qildi, deya xabar beradi “TASS”.
Pentagon va Oq uydagi manbalarga tayangan nashrning bildirishicha, Karter shu yil fevral oyida vazirlikni boshqargandan so‘ng kamida ikki oy, to mart oyida Klinton shaxsiy pochtasi orqali xizmat yozishuvlarini amalga oshirgani ma’lum bo‘lguniga qadar elektron pochtasidan xizmatga doir yozishmalarda foydalangan.
“Vazir oldinlari vaqti-vaqti bilan sodir bo‘lib turgan shaxsiy elektron pochtadan xizmatga oid faoliyatda foydalanish holatlarini xato, deb hisoblaydi. Hozirda u shaxsiy pochtasidan bu maqsadlarda foydalanishni to‘xtatdi va umuman elektron pochtani ishlatishni cheklab qo‘ydi”, — deya ta’kidlagan Pentagon matbuot kotibi Piter Kuk.
Izoh (0)