Moskva markazida shahar politsiyasi madaniyat markazida yong‘in yuz berdi. Bu haqda “Gazeta.ru” xabar bermoqda.
“Mahalliy vaqt bilan 5:49 da yong‘in haqida ma’lumot kelib tushdi, 5:57 da o‘t o‘chiruvchilar hodisa joyiga yetib bordi. Dastlabki ma’lumotlarga ko‘ra, besh qavatli ma’muriy binoning tom qismida yong‘in yuz bergan”, — dedi Moskva favqulodda vaziyatlar boshqarmasi vakili.
Jabrlanuvchilar haqida hozircha axborot yo‘q.
Shahar politsiyasi matbuot xizmatining tasdiqlashicha, madaniyat markazida haqiqatan ham yong‘in kelib chiqqan, hodisa joyiga shoshilinch xizmatlar chaqirilib, tekshiruv ishlari olib borilmoqda.
Shoshilinch xizmatlardagi manbaning qayd etishicha, yong‘in binoning 3- va 4-qavatlarida, umumiy maydoni 90 kvadrat metr bo‘lgan joyda kelib chiqqan.
Izoh (0)