АҚШ мудофаа вазири Эштон Картер Ҳиллари Клинтон давлат котиби бўлиб турган вақтидаги каби шахсий электрон почтасидан хизмат мақсадларида фойдаланган. Бу ҳақда The New York Times маълум қилди, дея хабар беради «ТАСС».
Пентагон ва Оқ уйдаги манбаларга таянган нашрнинг билдиришича, Картер шу йил февраль ойида вазирликни бошқаргандан сўнг камида икки ой, то март ойида Клинтон шахсий почтаси орқали хизмат ёзишувларини амалга оширгани маълум бўлгунига қадар электрон почтасидан хизматга доир ёзишмаларда фойдаланган.
«Вазир олдинлари вақти-вақти билан содир бўлиб турган шахсий электрон почтадан хизматга оид фаолиятда фойдаланиш ҳолатларини хато, деб ҳисоблайди. Ҳозирда у шахсий почтасидан бу мақсадларда фойдаланишни тўхтатди ва умуман электрон почтани ишлатишни чеклаб қўйди», — дея таъкидлаган Пентагон матбуот котиби Питер Кук.
Изоҳ (0)