Qashqadaryo viloyati hokimligi huquqshunosi vazifasida ishlagan shaxs xususiy korxona rahbaridan pora olgani uchun jinoiy javobgarlikka tortildi. Bu haqda “Huquq” gazetasi xabar bermoqda.
Ma’lum bo‘lishicha, xususiy korxonaga ajratilgan 29 gektar maydon tuman hokimining qarori bilan zaxira yer fondiga qaytarilishi munosabati bilan, ushbu yer boshqa korxonaga berilishi to‘g‘risida hokim qarori chiqarilishi kerak bo‘lgan.
Huquqshunos shu qarorni chiqarish va shu bilan bog‘liq ishlarni olti oy muddatga kechiktirib turish evaziga pora tariqasida 6 ming dollarni olayotgan vaqtida ashyoviy dalillar bilan qo‘lga tushirildi.
“Huquq” gazetasi xabariga ko‘ra, mazkur holat bo‘yicha qonunbuzarga nisbatan jinoyat ishi qo‘zg‘atilib, sud tomonidan qonuniy jazo belgilandi.
Izoh (0)