Toshkentning eng ko‘hna dahalaridan biri — Ko‘kchada Murad Buildings kompaniyasi tomonidan yangi “Ko‘kcha Qo‘rg‘oni” uy-joy majmuasi qurib bitkazildi. 5-dekabr, shanba kuni bu yerda Murad Buildings kompaniyasi o‘z tavallud kunini nishonladi.
“Ko‘kcha Qo‘rg‘oni”ning tantanali ruhda bezatilgan hovlisidagi bayramona dasturxon atrofida Murad Buildings’ning yaqin do‘stlari, xaridorlari va mehmonlari to‘plandi. Marosim avvalida qisqa fursat ichida hurmat-e’tiborga erishgan kompaniya tarixiga bag‘ishlangan video namoyish etildi.
Yig‘ilganlarning ko‘tarinki kayfiyati, mashhur mult-qahramonlar ishtirokidagi qiziqarli o‘yinlarda qatnashgan bolajonlarning shodon kulgusi, orombaxsh musiqa “Ko‘kcha Qo‘rg‘oni”da o‘ziga xos yoqimli va yodda qolarli muhitni yuzaga keltirdi.
“Majmua qurilishida biz bilan yelkadosh bo‘lgan barchaga minnatdorchilik izhor qilishni istardim. ‘Ko‘kcha Qo‘rg‘oni’ bugungidek fayzli, hamyurtlarimizga xursandchilik ulashadigan joy bo‘lib qolsin. Murad Buildings O‘zbekistonimizning chiroyini ochish, uni go‘zal binolar bilan bezashda davom etadi”, — dedi Murad Buildings kompaniyasi rahbari Murod Nazarov marosimdagi nutqida.
Shu kuni “Ko‘kcha Qo‘rg‘oni”ga tashrif buyurgan mehmonlarda “Obodlik darvozasi”, “Iqbol darvozasi”, “Fayz darvozasi” kabi ramziy nomlangan darvozalar orqali Murad Buildings tomonidan ta’mirlab bo‘lingan, lekin ta’mirlanmagan xonadon narxida sotilishi rejalashtirilayotgan xonadonlar bilan tanishish imkoni bo‘ldi.
“Ko‘kcha Qo‘rg‘oni”dagi ochiq eshiklar kuni 7-dekabrga qadar davom etadi va kompaniya rahbariyati har bir tashrif buyuruvchi uchun obyekt bo‘ylab ekskursiya uyushtiradi. Aynan shu uch kun — 5, 6 va 7-dekabr kunlari davomida xaridorlarda ta’mirlangan xonadonni ta’mirlanmagan xonadon narxida sotib olishdek ajoyib imkoniyat bo‘ladi.
Kompaniya va boshqa obyektlar haqida batafsil ma’lumotni www.mbc.uz saytidan olishingiz mumkin.
Bepul ta’mirlab berish kabi sovg‘adan tashqari, Murad Buildings kompaniyasi bu xonadonlar sotuvidan tushgan mablag‘ning bir qismini Toshkent shahrining boshqa hududlarida bolalar maydonchasini qurish uchun sarflashni rejalashtirmoqda.
Reklama huquqi asosida
Izoh (0)