Samarqand viloyati Oqdaryo tuman yer resurslari va davlat kadastri bo‘limi sobiq boshlig‘i xususiy tadbirkordan pora talab qilgani ma’lum bo‘ldi. Bu haqda “Huquq” gazetasi 3-dekabr sonida axborot berilgan.
Xususiy tadbirkor intensiv bog‘ yaratib, tadbirkorlikni kengaytirish uchun 3,5 gektar yer maydonini ajratib berishni so‘ragan. Bo‘lim boshlig‘i esa buning evaziga 3 ming dollar miqdorida pul talab qilgan.
“Bo‘lim boshlig‘i talab qilingan pulni olgan vaqtida ashyoviy dalillar bilan ushlangan”, — deyiladi gazeta xabarida.
Ushbu bo‘lim boshlig‘i 35 nafar tadbirkorning murojaatlarini ko‘rib chiqmasdan yo‘qotib yuborgani fosh etilgani haqida avvalroq xabar berilgan edi.
Xabar berishlaricha, mazkur holat bo‘yicha qonunbuzarga nisbatan jinoyat ishi qo‘zg‘atilib, sud tomonidan qonuniy jazo belgilangan.
Izoh (0)