“Daryo”da doimiy rukn — har kuni eng muhim yangiliklarning kechki dayjesti berib boriladi.
1. O‘zbekistonda 2016-yil Sog‘lom ona va bola yili deb e’lon qilindi. Shunchaki ma’lumot uchun — bungacha bir marta “Onalar va bolalar yili” ham (2001-yili) bo‘lgan.
2. IShID Kaliforniyadagi terakt uchun javobgarlikni zimmasiga oldi. 3-dekabr, payshanbaga o‘tar kechasi San-Bernardinodagi nogironlar uyida sodir bo‘lgan otishma oqibatida 14 kishi halok bo‘lgan va 17 kishi jarohatlangan.
3. Oqsaroyda O‘zbekistonning yuksak mukofotlari o‘z egalariga topshirildi. O‘zbekiston Prezidenti davlat mukofotlarini tantanali ravishda topshirdi.
4. Kaspiy dengizidagi neft platformasida yong‘in chiqdi, 32 kishi halok bo‘ldi. Ozarbayjon Davlat neft kompaniyasi ma’lumotlariga ko‘ra, yong‘in gaz quvuriga yetgan zarar tufayli kelib chiqqan.
5. “Real” Ispaniya Kubogidan chetlatilishini noqonuniy deb hisoblaydi va apellyatsiya beradi. Klub rossiyalik Denis Cherishevga o‘yindan chetlatilgani haqida hech kim ma’lum qilmagani haqida rasmiy bayonot berdi.
Izoh (0)