Ruminiya bosh vaziri Viktor Ponta 4-noyabr, chorshanba kuni iste’fo berdi. Bu haqda, Ruminiyada hukmron Sotsial-demokratik partiya rasmiy vakili Liviu Dragnyaga asoslanib, “Interfaks” agentligi xabar berdi.
4-noyabr, chorshanba kuni Ponta rahbarligidagi vazirlar mahkamasining yakuniy majlisi bo‘lib o‘tadi. Ruminiya hukumati yangi mahkama shakllantirilguniga qadar to‘liq tarkibda o‘z vazifasini bajarib turadi.
Hukumat rahbarining iste’fo haqidagi qarori 32 kishining hayotiga zomin bo‘lgan Buxarestdagi tungi klubda yuz bergan yong‘in bilan bog‘liq bo‘lishi mumkin.
Mazkur yong‘indan so‘ng poytaxt Buxarest va Ruminiyaning boshqa shaharlarida hukumatga qarshi norozilik namoyishlari boshlanib ketgan edi.
Izoh (0)