Avstraliyaning Melburn shahridagi “Viktoriya” zooparkiga yovvoyi tulki kirib, 14 ta kichik pingvinni bo‘g‘ib o‘ldirgan. Bu haqda 4-noyabr, chorshanba kuni muassasa saytida xabar berildi.
Tirik qolgan 15 ta pingvin ishonchli himoyalangan joyga o‘tkazilgan. Ular tulki ushlanmaguncha yoki zoopark hududini tark etmagunicha shu yerda qoladi. Tulkini tutish uchun mutaxassis chaqirilgan.
“Viktoriya” hududida kuzatuv kameralari va qopqonlar o‘rnatilgan, ammo bu choralar befoyda bo‘lib chiqdi. Zoopark 22 gektar maydonni egallagan va yirtqich uchun daraxtlar orasida yashirinish muammo emas. Yovvoyi tulkilarni Melburn yaqinida tez-tez ko‘rish mumkin, biroq zoopark hududida deyarli uchratilmagandi.
Kichik pingvin mazkur jonzotlarning eng mittisi bo‘lib, uzunligi 30 santimetr, og‘irligi esa 1—1,5 kilogrammdan iborat. Ularni Avstraliya va Yangi Zelandiyada uchratish mumkin.
Izoh (0)