Indoneziyaning turli hududlarida magnitudasi 6,3gacha yetgan, bir-biriga bog‘liq bo‘lmagan zilzilalar ro‘y berdi. Bu haqda “RIA Novosti” xabar bermoqda.
5,1 magnitudali birinchi yerosti silkinishi Yava orolining janubiy qirg‘og‘ida ro‘y berdi. Undan so‘ng Sharqiy Indoneziyada, Alor oroli yaqinida shiddatli zilzila ro‘y berdi. AQSh Geologiya xizmati uning kuchini 6,3 magnituda deb baholadi.
5,2 magnitudali uchinchi silkinish Yavadagi Pandeglag shahridan 88 kilometr uzoqlikda qayd etildi. To‘rtinchi va vaqt bo‘yicha oxirgi 5,3 magnitudali zilzila Sumatradagi Nias orolidan 39 kilometr uzoqlikda sodir bo‘ldi.
Mazkur tabiiy ofatlar oqibatida halok bo‘lganlar va jabrlanganlar to‘g‘risida hozircha ma’lumot berilmagan.
Izoh (0)