Руминия бош вазири Виктор Понта 4 ноябрь, чоршанба куни истеъфо берди. Бу ҳақда, Руминияда ҳукмрон Социал-демократик партия расмий вакили Ливиу Драгняга асосланиб, «Интерфакс» агентлиги хабар берди.
4 ноябрь, чоршанба куни Понта раҳбарлигидаги вазирлар маҳкамасининг якуний мажлиси бўлиб ўтади. Руминия ҳукумати янги маҳкама шакллантирилгунига қадар тўлиқ таркибда ўз вазифасини бажариб туради.
Ҳукумат раҳбарининг истеъфо ҳақидаги қарори 32 кишининг ҳаётига зомин бўлган Бухарестдаги тунги клубда юз берган ёнғин билан боғлиқ бўлиши мумкин.
Мазкур ёнғиндан сўнг пойтахт Бухарест ва Руминиянинг бошқа шаҳарларида ҳукуматга қарши норозилик намойишлари бошланиб кетган эди.
Изоҳ (0)