Индонезиянинг турли ҳудудларида магнитудаси 6,3гача етган, бир-бирига боғлиқ бўлмаган зилзилалар рўй берди. Бу ҳақда «РИА Новости» хабар бермоқда.
5,1 магнитудали биринчи ерости силкиниши Ява оролининг жанубий қирғоғида рўй берди. Ундан сўнг Шарқий Индонезияда, Алор ороли яқинида шиддатли зилзила рўй берди. АҚШ Геология хизмати унинг кучини 6,3 магнитуда деб баҳолади.
5,2 магнитудали учинчи силкиниш Явадаги Пандеглаг шаҳридан 88 километр узоқликда қайд этилди. Тўртинчи ва вақт бўйича охирги 5,3 магнитудали зилзила Суматрадаги Ниас оролидан 39 километр узоқликда содир бўлди.
Мазкур табиий офатлар оқибатида ҳалок бўлганлар ва жабрланганлар тўғрисида ҳозирча маълумот берилмаган.
Изоҳ (0)