Shimoliy Qozog‘istonda ayol yonayotgan uydan ikki va to‘rt yoshli bolalarni olib chiqishga muvaffaq bo‘ldi, deb yozadi Kazakhstan Today.
26-oktabr kuni G. Musrepov tumani Chistopolye qishlog‘idagi yong‘in postiga xonadonlardan biridan tutun chiqayotgani, ichkarida yosh bolalar borligi haqida xabar kelib tushdi. Biroq o‘t o‘chiruvchilar voqea joyiga borib, uydan hech kimni topa olmadi.
Keyinroq ma’lum bo‘lishicha, xonadondagi yong‘in belgilarini qo‘shni ayol sezib qolgan, u ichkariga kirib, ikki yoshli qizaloq va to‘rt yoshli o‘g‘il bolani navbat bilan tashqariga olib chiqqan. So‘ng ayol uydagi gaz ballonini ham sudrab chiqargan va yong‘in bo‘limiga qo‘ng‘iroq qilgan.
Yong‘in bartaraf etildi, u bolalar gugurt bilan o‘ynagani tufayli kelib chiqqan bo‘lishi mumkin. Xabar berilishicha, bu paytda bolalarning otasi ishda bo‘lgan, onasi biroz vaqtga ishlari bilan ko‘chaga chiqib ketgan.
Izoh (0)