Xitoy “bir oilaga — bir farzand” siyosatidan voz kechdi

Xitoy Kommunistik partiyasi Markaziy qo‘mitasi bir oilada faqat bir farzand bo‘lishiga ruxsat beruvchi tug‘ilishni cheklash bo‘yicha rasmiy siyosatdan voz kechishga qaror qildi. Meduza’ning xabar berishicha, Xitoydagi har bir oila endi ikki farzandli bo‘lishga haqli.

Xitoy aholisining soni 1,3 milliarddan ortiq. Mamlakatda 70-yillardan boshlab “bir oilaga — bir farzand” siyosati yuritib kelinadi. Amalda mazkur qoida so‘nggi yillarda aholining uchdan biriga nisbatan qo‘llanilayotgan edi.

Mamlakatda faqat milliy ozchilik vakillariga (er-xotin o‘z ota-onalarining yagona farzandlari bo‘lsa), shuningdek, qishloq joylarda istiqomat qiladigan va birinchi farzandi qiz bo‘lgan ko‘plab oilalarga bittadan ortiq bola orttirishga ruxsat berilardi.

Xitoydagi tug‘ilishni cheklash siyosati oqibatida so‘nggi yillarda mamlakatda mehnatga layoqatli aholi soni qisqardi.