“Chegara bilmas shifokorlar” xalqaro tashkilotining Yaman shimoli-g‘arbida joylashgan Sa’da shahridagi shifoxonasiga bir necha aviazarba berildi. Bu haqda, tashkilot bayonotiga asoslanib, “RIA Novosti” xabar bermoqda.
“O‘tgan tunda Yamanning Sa’da shahridagi tibbiyot muassasamizga bir necha aviazarba berildi, muassasa ichida xodimlar va bemorlar bor edi”, — deyiladi tashkilotning Twitter mikrobloglar xizmatidagi rasmiy sahifasida e’lon qilingan axborotda.
Qurbonlar va jabrlanuvchilar haqida hozircha ma’lumot berilmayapti.
Qayd etish joiz, oktabr oyi boshida Afg‘onistonning Qunduz shahridagi “Chegara bilmas shifokorlar” shifoxonasiga AQSh aviatsiyasi “xatolik sabab” aviazarba bergan, bu vaqtda bino ichida 200 ga yaqin odam bo‘lgan. Hodisa oqibatida 30 kishi halok bo‘lgan.
Izoh (0)