Italiyaning Enel konserni yaqin besh yil mobaynida quyosh va shamol energetikasiga 18 milliard funt sterling (27,5 milliard dollardan ziyod) sarflashni rejalashtirmoqda. Bu haqda konsern bosh direktori Franchesko Starache The Guardian nashriga bergan intervyusida ma’lum qilgan, deya xabar beradi “Vedomosti”.
“Qazilma yoqilg‘idan foydalaniladigan an’anaviy energetika o‘rniga Enel biznesni rivojlantirishga mo‘ljallangan investitsiyalarning yarmi — 18 milliard funt sterlingni keyingi besh yil davomida hozir ishlab chiqarishimizning 7 foizini tashkil etayotgan quyosh va shamol energetikasiga yo‘naltiriladi”, — deya ta’kidlagan Starache.
Ayni paytda Enel dunyoning 40 mamlakatiga yetkazib berayotgan elektr energiyasining 29 foizini ko‘mir manbalari tashkil etmoqda. Biroq bu yil Chilida ochilgan stansiya konsernning so‘nggi ko‘mir elektr stansiyasi bo‘lishi ma’lum qilingan.
Izoh (0)