Amerikalik harbiylar va maxsus xizmatlar xodimlari butun dunyo bo‘ylab ma’lumotlar almashinuvi amalga oshadigan kabellar joylashgan joylarda Rossiya kemalari va suvosti kemalari to‘planishidan xavotirga tushdi, deya xabar bermoqda TJournal The New York Times’ga tayanib.
Pentagon va maxsus xizmatdagilar Rossiya kemalari ustidan nazorat aynan qanday amalga oshishini ochiq-oydin oshkor qilmadi, biroq shaxsiy suhbatlar chog‘ida ular jurnalistlarga Rossiya kemalari so‘nggi paytlarda ma’lumotlar internet orqali qit’alararo uzatiladigan suv osti kabellari joylashgan yo‘llar bo‘ylab ayniqsa faol harakatlanayotganini aytdi.
Bunda gap Shimoliy dengizdan Shimoli-sharqiy Osiyogacha va hatto AQSh sohillariga yaqin suvlargacha bo‘lgan yo‘nalishlar haqida bormoqda.
Gazeta ta’kidlashicha, hozircha Rossiya floti internet-kabellarni kesayotganini tasdiqlovchi ma’lumotlar yo‘q, biroq Pentagonda o‘sib borayotgan xavotirlar AQSh Rossiyaning har qanday qadamiga ishonchsizlik bilan munosabatda bo‘lishini ko‘rsatadi.
Izoh (0)