“Zakovat” Respublika festivali bo‘lib o‘tadi

15-noyabr kuni “Zakovat” intellektual klubi tomonidan navbatdagi, X Respublika festivali o‘tkazilishi rejalashtirilmoqda. Bu haqda intellektual klubning rasmiy saytiga tayanib, “Xushnudbek.uz” xabar bermoqda.

Ushbu festivalda O‘zbekistonning barcha hududlaridan jamoalar ishtirok etishlari mumkin, buning uchun ular tashkiliy qo‘mitaga arizasini topshirishlari lozim.Festivalda dastlabki uchta o‘rinni qo‘lga kiritgan jamoalar ekran orqali namoyish etiladigan saralash bahslarida qatnashish huquqini qo‘lga kiritadi.

Kuchli uchlikka kira olmagan Qoraqalpog‘iston Respublikasi hamda viloyatlardan ishtirok etayotgan jamoalar orasida eng yaxshi natija ko‘rsatgan bir jamoa ham, egallagan o‘rnidan qat’i nazar, ekran o‘yinlarida ishtirok etadi.

Turnir 1-bosqichda o‘tkazilib, unda 60 ta savol o‘ynaladi.