O‘zbekistonlik iste’dodli tennischi Sabina Sharipova Gruziyaning Telavi shahrida davom etayotgan turnirdagi ishtirokini g‘alaba bilan boshladi, deb xabar beradi “Olamsport”.
Turnirning birinchi raqamli tennischisi sifatida qayd etilgan Sabina to‘g‘ridan-to‘g‘ri ikkinchi davraga qo‘yilgan edi.
17-sentabr kuni O‘zbekiston vakilasi ikkinchi davra uchrashuvida rossiyalik tennischi Valeriya Pogrebnyakni 6:1, 6:3 hisobida taslim etdi. Endi Sabina chorak finalda yana bir rossiyalik tennischi Polina Novikovaga qarshi kortga chiqadi.
Izoh (0)