Kreml jangchi Jeff Monson Rossiya fuqaroligini so‘rab, murojaat qilgani haqidagi xabarlarni tasdiqladi. Bu haqda, “RBK” xabariga ko‘ra, Rossiya prezidenti matbuot kotibi Dmitriy Peskov ma’lum qildi.
“Shunday murojaat haqiqatan ham kelib tushgan. U, albatta, ko‘rib chiqiladi. Monson mamlakatimizga nisbatan iliq munosabatda ekanligi bilan tanilgan. Uning murojaati ko‘rib chiqiladi, qarorni esa prezident qabul qiladi”, — dedi Peskov.
Monson iyun oyida Russia Today tarkibiga kiruvchi Ruptly videoxostingiga bergan intervyusida ikki yildan beri Rossiya fuqaroligini olish va bu mamlakatga ko‘chib o‘tishni orzu qilayotganini aytib o‘tgandi. U Rossiyada bolalar uchun o‘z maktabini ochish niyatida.
Ma’lumot uchun, Rossiya prezidenti Vladimir Putin 12-sentabr kuni amerikalik bokschi kichik Roy Jonsga Rossiya fuqaroligini taqdim etgan edi.
Izoh (0)