Sayyoramizdagi narkotiklar tayyorlash va yetkazib berish bilan shug‘ullanuvchi ikkita eng katta markaz — Afg‘oniston (geroin) va Janubiy Amerika (kokain) narkomafiyasi 15 yil davomida 3 trillion dollar atrofida ishlab topgan. Bu haqda Rossiya narkotiklar aylanmasi ustidan nazorat federal xizmati direktori Viktor Ivanov ma’lum qildi, deya xabar bermoqda “RIA Novosti”.
“Narkotiklar aylanmasi orqali bir yil davomida topilayotgan daromad 500 milliard dollar miqdorida baholanmoqda, — deya ta’kidlagan Viktor Ivanov. — Bu mablag‘lar umumiy jinoyatchilikning bitmas-tuganmas manbai bo‘lib kelmoqda. Shu sababli Afg‘oniston va Janubiy Amerikadagi narkomafiyaga barham berish barcha davlatlarning asosiy vazifasiga aylanishi lozim”.
Izoh (0)