Сайёрамиздаги наркотиклар тайёрлаш ва етказиб бериш билан шуғулланувчи иккита энг катта марказ — Афғонистон (героин) ва Жанубий Америка (кокаин) наркомафияси 15 йил давомида 3 триллион доллар атрофида ишлаб топган. Бу ҳақда Россия наркотиклар айланмаси устидан назорат федерал хизмати директори Виктор Иванов маълум қилди, дея хабар бермоқда «РИА Новости».
«Наркотиклар айланмаси орқали бир йил давомида топилаётган даромад 500 миллиард доллар миқдорида баҳоланмоқда, — дея таъкидлаган Виктор Иванов. — Бу маблағлар умумий жиноятчиликнинг битмас-туганмас манбаи бўлиб келмоқда. Шу сабабли Афғонистон ва Жанубий Америкадаги наркомафияга барҳам бериш барча давлатларнинг асосий вазифасига айланиши лозим».
Изоҳ (0)