AQSh kelasi hafta Xitoy kompaniyalariga nisbatan sanksiyalar qo‘llashi mumkin

Vashington kelasi haftaning o‘zida bir qator Xitoy kompaniyalariga nisbatan sanksiyalar joriy etishi mumkin. “TASS”ning yozishicha, sanksiyaga tushadigan kompaniyalar AQSh korxonalariga uyushtirilayotgan kiberhujumlarni qo‘llab-quvvatlashda gumon qilinmoqda.

CNN telekanali ma’lumotlariga ko‘ra, AQSh hukumati “kiberhujumlar uchun javobgar bo‘lgan ham jismoniy shaxslar, ham tijoriy tuzilmalarni jazolashga qaratilgan” mazkur sanksiyalarni so‘nggi bir necha oy davomida ishlab chiqqan. Biroq, ularni joriy etish bo‘yicha yakuniy qaror hali qabul qilinganicha yo‘q.

So‘nggi bir necha oy davomida AQSh hukumati kompyuter tizimlariga bir necha jiddiy kiberhujumlar uyushtirildi. Iyul oyida xakerlar 25 milliondan ortiq amerikalik — sobiq va hozirda ham ishlayotgan davlat xizmatchilarining shaxsiy ma’lumotlarini o‘g‘irlagani ma’lum bo‘ldi.

AQSh milliy razvedkasi direktori Jeyms Klepper kiberhujumlar uchun javobgarlikni xitoylik xakerlarga yuklagan edi.