Вашингтон келаси ҳафтанинг ўзида бир қатор Хитой компанияларига нисбатан санкциялар жорий этиши мумкин. «ТАСС»нинг ёзишича, санкцияга тушадиган компаниялар АҚШ корхоналарига уюштирилаётган киберҳужумларни қўллаб-қувватлашда гумон қилинмоқда.
CNN телеканали маълумотларига кўра, АҚШ ҳукумати «киберҳужумлар учун жавобгар бўлган ҳам жисмоний шахслар, ҳам тижорий тузилмаларни жазолашга қаратилган» мазкур санкцияларни сўнгги бир неча ой давомида ишлаб чиққан. Бироқ, уларни жорий этиш бўйича якуний қарор ҳали қабул қилинганича йўқ.
Сўнгги бир неча ой давомида АҚШ ҳукумати компьютер тизимларига бир неча жиддий киберҳужумлар уюштирилди. Июль ойида хакерлар 25 миллиондан ортиқ америкалик — собиқ ва ҳозирда ҳам ишлаётган давлат хизматчиларининг шахсий маълумотларини ўғирлагани маълум бўлди.
АҚШ миллий разведкаси директори Жеймс Клэппер киберҳужумлар учун жавобгарликни хитойлик хакерларга юклаган эди.
Изоҳ (0)