“Elektron hukumat” tizimini rivojlantirish markazida IBM korporatsiyasining Rossiya va MDH davlatlarida mintaqaviy rivojlanish bo‘yicha direktori Sergey Tabulin boshchiligidagi delegatsiyasi bilan uchrashuv bo‘lib o‘tdi, deb xabar bermoqda “Infocom.uz”.
IBM vakillari korporatsiyaning butun dunyodagi kompaniyalar bilan muvaffaqiyatli hamkorligi to‘g‘risida so‘zlab berib, misol sifatida videorolik namoyish etdi. Unda IBM’ning qisqa vaqt ichida AQShning aholisi 60 ming kishidan iborat shahrida suv tejash tizimini yaratishga muvaffaq bo‘lgani haqida so‘z borgan.
IBM’ning O‘zbekistondagi vakolatxonasi rahbari O‘ktam Irgashevning so‘zlariga ko‘ra, korporatsiya O‘zbekistonda bank tizimiga faol investitsiya kiritib, Davlat soliq qo‘mitasi, Davlat bojxona qo‘mitasi va boshqa muassasalar bilan hamkorlik qilib keladi. Uchrashuv yakunida IBM’ning “Elektron hukumat” tizimini rivojlantirish markazi bilan hamkorligi masalalarini batafsilroq muhokama qilish to‘g‘risida qaror qabul qilindi.
Izoh (0)