Islom Karimov Farmoniga ko‘ra, huquqni muhofaza qilish organlari xodimlari faxriy unvon bilan taqdirlandi

O‘zbekiston Prezidenti Islom Karimov O‘zbekiston Respublikasi davlat mustaqilligining yigirma to‘rt yilligi munosabati bilan huquqni muhofaza qilish organlari, mudofaa va favqulodda vaziyatlar vazirliklari xodimlaridan bir guruhini mukofotlash to‘g‘risidagi farmonni imzoladi, deb yozadi O‘zA.

Hujjatda “O‘zbekiston Respublikasida xizmat ko‘rsatgan yurist”, “O‘zbekiston Respublikasida xizmat ko‘rsatgan yoshlar murabbiysi” unvonlari, “Mehnat shuhrati” ordeni, II darajali “Shon-sharaf” ordeni, “Do‘stlik” ordeni, “Mardlik” ordeni, “Jasorat”, “Sodiq xizmatlari uchun” medali, “Shuhrat” medali bilan taqdirlanganlarning to‘liq ro‘yxati keltirilgan.

Farmonda ta’kidlanishicha, ularga faxriy unvonlar huquqiy davlatni shakllantirish va milliy qonunchilikni takomillashtirishga, fuqarolarning qonuniy manfaatlarini, huquq va erkinliklarini himoya qilishga, qonuniylik va huquq-tartibotni mustahkamlashga, jamiyatda huquqiy madaniyatni oshirish va yuqori malakali yuridik kadrlarni tayyorlashga qo‘shgan katta hissasi uchun berildi.