Samarqand — dunyoning eng qadimiy shaharlaridan biri, tarixiy So‘g‘diyona davlati markazidir. Bugungi kunda shahar O‘zbekiston va dunyo o‘rtasidagi ko‘prikka aylanib, Registon maydonini yana bir marta “Sharq taronalari” X xalqaro musiqa festivalini o‘tkazish uchun taqdim etdi.
TeliaSonera Kompaniyalari Guruhiga kiruvchi va O‘zbekiston bozorida aloqa xizmatlarini taqdim etuvchi Ucell kompaniyasi mamlakat madaniy merosi va qadriyatlarini faol ravishda qo‘llab-quvvatlaydi. Joriy yilda Ucell “Sharq taronalari”ning aloqa hamkoriga aylandi.
Festival va Ucell kompaniyasining o‘xshash jihatlari ko‘p. Festival turli davlat xalqlarining ma’naviy olamini aks ettiradi, Ucell ham xuddi festival kabi odamlarni tinchlikka, do‘stlikka va madaniy aloqaga chorlaydi. Yil sayin uning ko‘lami, ishtirokchilari soni ortib bormoqda. Joriy yilda dunyoning 65 dan ortiq davlatidan artistlar, bundan tashqari, mahalliy va chet el OAVlari vakillarining tashrif buyurishi kutilmoqda.
Ucell kompaniyasi O‘rta Osiyo mintaqasidagi ushbu jozibali musiqiy voqelikka rang-baranglik baxsh etish maqsadida bir qator tashabbuslarni tayyorlab qo‘ygan.
Xanns Pikkat, “Sharq taronalari” festivali hay’atining estoniyalik a’zosi:
“Men qadimiy Samarqand shahri haqida ko‘p eshitganman va o‘qiganman. Biroq faqat shu festival tufayligina jahon xazinasini ko‘rishga muvaffaq bo‘ldim. Men Estoniyadan keldim. Shaharning, Registon maydonining maftunkor go‘zalligidan tortib, dunyoning 60 dan ortiq mamlakatidan kelib, o‘z mahoratini ko‘z-ko‘z qilmoqchi bo‘lgan kollektivlarning xilma-xilligigacha — barchasi kishida chuqur taassurot qoldiradi. Mamlakatdagi Ucell mobil operatori internet aloqasi orqali tarixiy lahzalarni butun dunyo bilan bo‘lishish uchun qo‘shimcha imkoniyat bergani kishini juda quvontiradi. Ishonchim komilki, “Sharq taronalari” nafaqat O‘zbekiston, Markaziy Osiyo mintaqasi uchun, balki festivalda ishtirok etayotgan har bir mamlakat uchun yanada ahamiyatliroq voqea bo‘lib boradi.”
2015-yil 20-avgustdan 2015-yil 9-sentabrgacha bo‘lgan davrda Ucell kompaniyasi faqat festival mehmonlari va ishtirokchilari uchun “Sharq Taronalari” tarifini ishga tushirdi. Ushbu tarifga ulanganlar O‘zbekiston bo‘yicha 500 daqiqa va 50 ta SMS, xalqaro qo‘ng‘iroqlar uchun 50 daqiqa hamda 500 Mb internet-trafigiga ega bo‘ladi. Mehmonxonalarda Ucell mobil operatorlari ishlamoqda, ular maxsus tarifga ulaydi va kompaniya xizmatlari haqida o‘z vaqtida axborot beradi. Bugungi kunda tarif sharofati bilan 148 nafar abonent o‘zlarining yorqin his-tuyg‘ularini butun dunyo bilan bo‘lishmoqda.
“Biz xuddi Festival kabi muloqot va madaniy almashuv ko‘prigi hisoblanamiz. Va biz, albatta, Ucell katta musiqiy forumning kichik bir bo‘lagiga aylanganidan xursandmiz. Festival hamkori sifatida o‘z kommunikatsiya sovg‘amizni taklif qildik. Mehmonlar va ishtirokchilar qulayligi uchun onlayn rejimida chet eldagi do‘st va qarindoshlar bilan yorqin taassurot va rang-barang lahzalarni bo‘lishish imkonini beruvchi ‘Sharq taronalari’ maxsus tarifi ishlab chiqildi. Biz mamlakat nufuzini xalqaro darajada oshirib, O‘zbekiston boyligini boshqa mamlakatlar xalqlariga ko‘rsatib berishga hissa qo‘shishdan benihoya mamnunmiz”, — deya izoh bildirdi Ucell bosh direktori Tonu Gryunberg.
Ucell kompaniyasi haqi oldindan to‘lanadigan paketlarga ulangan abonentlari uchun ijtimoiy tarmoqlarda tanlov o‘tkazdi. G‘oliblar bayramona Samarqandga tashrif buyurib, 29—30-avgust kunlari Registon maydonidagi chiqishlarning guvohiga aylanadi.
“Sharq taronalari” har ikki yilda bir marta o‘tkaziladi. U eng muhim tadbirlardan biri bo‘lib, an’anaga ko‘ra, asosiy voqealar qadimiy shaharning qoq markazi — Registon maydonida bo‘lib o‘tadi. O‘zbekiston Respublikasi mustaqilligining 24 yilligi arafasida barcha xalqaro mehmonlar uchun O‘zbekiston xalqining madaniy-ma’naviy merosi ko‘z-ko‘z qilinadi, “Sharq xalqlari musiqiy madaniyatining mushtarakligi” mavzusida xalqaro ilmiy-nazariy anjuman o‘tkaziladi.
Festival chog‘ida o‘zbek milliy liboslari, milliy musiqiy asboblar, art-bozor ko‘rgazmalari tashkil etiladi. Festivalning o‘zi besh kun davom etadi, u katta gala-konsert bilan yakunlanadi, unda tanlov g‘oliblari qatnashadi. Ushbu ulkan musiqiy shou Sharq o‘rta asr me’morchilik obidalari bilan o‘ralgan Registon maydonida ochiq osmon ostida o‘tkazilib, har safar butun dunyodan ko‘p sonli kishilarni to‘playdi va ajoyib akustikasi, eng yaxshi bezaklari, qiziqarli ko‘rgazmalari va ko‘plab ishtirokchilari bilan hayratda qoldirishdan to‘xtamaydi.
Kompaniya, shuningdek, festival qatnashchilari uchun Ucell’ning “His-tuyg‘ularga eng boy va unutilmas chiqish” nominatsiyasi bo‘yicha diplom va esdalik sovg‘alari ko‘rinishida maxsus mukofotlarni tayyorlab qo‘ydi.
Reklama huquqi asosida
Izoh (0)