Mo‘g‘ulistonning Ulan-Bator shahrida 16 yoshgacha bo‘lgan shaxmatchilar o‘rtasidagi Butunjahon shaxmat olimpiadasi yakuniga yetib boryapti, deb yozadi “Olamsport”. Dunyoning kuchli jamoalari qatorida O‘zbekiston o‘smirlar terma jamoasi ham ushbu nufuzli musobaqada ishtirok etyapti.
Mamatqul Haylayev murabbiyligidagi O‘zbekiston terma jamoasi 9-turda Singapur terma jamoasiga qarshi dona surib, yakunda 2:2 hisobidagi durangga imzo chekdi. Shamsiddin Vohidov raqibiga imkoniyatni boy berdi. Nodirbek Yoqubboyev o‘z partiyasini g‘alaba bilan yakunladi. Ortiq Nig‘matov va Abdumalik Abdusalimov raqiblari bilan murosa ko‘chasini tanladi.
Bugun o‘tkaziladigan so‘nggi 10-turda O‘zbekiston terma jamoasi Qozog‘istonning birinchi raqamli terma jamoasiga qarshi dona suradi. Hozircha O‘zbekiston terma jamoasi qo‘shimcha ko‘rsatkichlarga ko‘ra turnir jadvalida 8-o‘rinni egallab turibdi.
Izoh (0)