Bugun, 28-avgust kuni professional boksning super og‘ir vazn toifasida o‘z janglarini o‘tkazib kelayotgan o‘zbekistonlik Ahror Muralimov AQShning Las-Vegas shahrida o‘zining 18-jangini o‘tkazadi, deya xabar bermoqda “Olamsport.com”. Superog‘ir vazn toifasida faoliyatini olib borayotgan sportchining raqibi amerikalik Keyt Barri bo‘ladi.
11-noyabr kuni 31 yoshga to‘ladigan Barri faoliyati davomida 23 ta jang o‘tkazgan bo‘lib, shularning 15 tasida g‘alaba qozongan. Yettita jangda mag‘lubiyatga uchrab, bitta bahsda durang qayd etgan. E’tiborlisi, nokaut bilan g‘alaba qozongan va aksincha mag‘lubiyatga uchragan janglari soni 6 tani tashkil qiladi.
Uch yildan beri faoliyatini AQShning Xyuston shahrida davom ettirayotgan Ahror Muralimov esa hozirgacha 17 ta jang o‘tkazib, shularning 16 tasida zafar quchgan. Faqat bitta chempionlik jangida amerikalik Derrik Rossiga ochkolar hisobi bo‘yicha yutqazib qo‘ygan. Muralimovning nokaut bilan qozongan g‘alabalari soni 13 tani tashkil etmoqda.
Izoh (0)